Dechreuodd Kayleigh yn y rôl yn Caerdydd Creadigol yn 2016. Yn wreiddiol o Glasgow, gwnaeth Gaerdydd yn gartref iddi yn 2015 ac, ers hynny, mae wedi treulio ei hamser fel arweinydd cyfathrebu ac ymgysylltu Caerdydd Creadigol. Mae ei gwaith yn canolbwyntio ar ddyfeisio a gweithredu strategaethau i ymhelaethu ar weithgarwch y rhwydwaith.
Ysgrifenna:
Er y bu Caerdydd Creadigol yn cysylltu pobl greadigol mewn bywyd go iawn mewn cyfarfodydd, digwyddiadau rhwydweithio a digwyddiadau cymdeithasu, ar-lein oedd lle ffynnodd y gymuned yn wirioneddol.
O ddim un aelod rhwydwaith ym mis Hydref 2015 i 3,900 o aelodau bum mlynedd yn ddiweddarach, ymunodd unigolion a sefydliadau yn raddol. Roeddent am arddangos eu sgiliau creadigol, lanlwytho a gwneud cais am swyddi (bu bron i filiwn o ymweliadau â’n tudalen Cyfleoedd hyd yma) i gydweithio â phobl greadigol eraill, a derbyn ein e-gylchlythyr bob pythefnos, a grynhodd y diweddaraf mewn newyddion a digwyddiadau creadigol.
O'n prosiect '52 Peth' yn y flwyddyn gyntaf i wal stori gyntaf Ein Caerdydd Creadigol, mae'r wefan wedi bod yn llwyfan hanfodol i dynnu sylw at waith y gymuned greadigol. Ein cenhadaeth yw cryfhau ac arddangos cyflawniadau creadigol Caerdydd trwy adrodd stori greadigol Caerdydd, yn y ddinas ac i'r byd.
Rydym wedi adeiladu brand y gellir ymddiried ynddo.
Rydym wedi bod mewn llawer ystafell lle mae Caerdydd Creadigol wedi cael ei argymell, heb unrhyw anogaeth, fel rhwydwaith defnyddiol i fod yn rhan ohono. Ac mae 'llythrennau C mawr' logo Caerdydd Creadigol hyd yn oed wedi dod yn adnabyddadwy - rydym yn hoff o feddwl amdanynt fel magnetau yn tynnu pobl greadigol at ei gilydd i sbarduno syniadau newydd a gwneud pethau cŵl gyda’i gilydd.
Mae ein dull o ymgysylltu digidol wastad wedi'i wreiddio mewn dilysrwydd. Nid ydym ar y modd 'darlledu' – mae rhywun y tu ôl i'n cyfrifon (fi gan amlaf!) yn hyrwyddo'r gweithgareddau sy'n digwydd yn y ddinas ac yn barod i gael sgyrsiau. Rydym yn annog y gymuned greadigol i ofyn cwestiynau, gweiddi am yr hyn maen nhw'n ei wneud, ein herio, ac, yn bwysicaf oll, rhannu eu hanghenion. Cyfathrebu organig, dwyffordd a dwyieithog yw'r hyn yr ydym yn ymdrechu amdano bob amser.
Rydym yn ymgysylltu â phobl greadigol ar-lein mewn modd sy'n gyfarwydd i'r mwyafrif o bobl: rydym yn hoffi, rydym yn rhannu, rydym yn gwneud sylwadau, ac rydym yn dilyn. Fe ddewch o hyd i ni ar y mwyafrif o lwyfannau cymdeithasol gan ei fod yn bwysig i ni fod lle mae ein cymuned. Mae'r dull hwn yn ehangu mecaneg sylfaenol rhwydweithiau cymdeithasol, yn cynhyrchu cysylltiadau rhwng unigolion, yn ysgogi ymddangosiad grwpiau newydd, ac yn tyfu brand Caerdydd Creadigol. Mae'r broses yn hanfodol i wireddu ein huchelgais sylfaenol – cael economi greadigol wedi'i rhwydweithio'n llawn yn y ddinas.
Rydym hefyd yn symud gyda'r oes, yn addasu i dechnoleg newydd, ac yn newid beth rydym yn ei gynnig i ymateb i anghenion y rhwydwaith. Yn unol â bod lle mae ein cynulleidfaoedd.
Yn unol â bod lle mae ein cynulleidfaoedd. Yn 2020, lansiom bodlediad Cymraeg a Saesneg i siarad am y materion sydd o bwys i weithwyr creadigol. Rydym yn gwneud ‘Rhywbeth Creadigol?’ a ‘Get A “Proper” Job’ gyda'n cymuned greadigol, ac ar ei chyfer.
Mae hynny'n wir am yr holl waith rydym yn ei wneud. Mae adrodd stori cymuned greadigol Caerdydd yn swydd rydym yn falch o'i gwneud, ac rydym yn cael ein hysbrydoli bob dydd gan y gwaith sy'n cael ei greu yma. Gellir bod yn hysbys, a’i ddathlu, hyd yn oed yn fyd-eang, gan ei fod yn rym anorchfygol. Ac nid yw'r stori yn agos at fod drosodd.
