Ni yw Canolfan Mileniwm Cymru. Tanwydd i’r dychymyg
Teitl y Rôl:Technegydd Celfyddydau a Chreadigol
Cyflog: £27640 yn codi i £29640 ar gwblhau asesiad sgiliau ar ôl 6 mis.
Dyddiad Cau: 13/03/2025
Dyddiad Cyfweld: 19/03/2025 & 20/03/2025
Amdanom ni/Ein Hadran:
Canolfan Mileniwm Cymru yw canolfan gelfyddydau fwyaf Cymru.Wedi'i lleoli ym Mae Caerdydd mae’n croesawu artistiaid a chynyrchiadau cenedlaethol a rhyngwladol. Mae llwyddiant CMC yn ddibynnol i raddau helaeth ar ddarpariaeth ei gwasanaethau technegol a’r defnydd o’i chyfleusterau o safon fyd-eang. Rydym yn chwilio am uwch dechnegydd i ymuno â ni a pharhau â’n llwyddiant.
- Mae CMC hefyd yn gartref i dri lleoliad arall, sef Theatr Donald Gordon sydd â 1900 o seddi, Stiwdio Weston sydd â 250 o seddi, a lleoliad Cabaret gyda 120 o seddi. O bryd i'w gilydd mae’n bosib y byddwch yn gweithio ar gynyrchiadau a digwyddiadau eraill a gynhelir yn y lleoliadau hyn.
- Mae’r rôl yn atebol i Bennaeth y Llwyfan a'r Prif Drydanwr.
- Mae’r wythnos waith yn 38.5 awr ar gyfartaledd dros gyfnod o 17 wythnos.
- Fel rhan o dîm o 14 o staff technegol, byddwch yn gweithio’n bennaf gyda’r Adran Celfyddydau a Chreadigol. Bydd y rôl yn hwyluso'r broses o osod, datgymalu a rhedeg sioeau a digwyddiadau amrywiol, yn amrywio o fandiau byw i ddigwyddiadau awyr agored yn ac o amgylch yr adeilad.
Ynglŷn â’r Rôl a’r Cyfrifoldebau:
Mae’r swydd hon yn eistedd o fewn Gweithrediadau Busnes a bydd yn chwarae rhan allweddol wrth sicrhau bod yr holl weithgareddau, digwyddiadau a sioeau sy'n digwydd mewn unrhyw ran o’r Ganolfan neu oddi ar y safle yn cael eu cefnogi'n dechnegol i'r safon uchaf. Ar hyn o bryd mae gan CMC ardaloedd sy'n cael eu llogi i gleientiaid ar gyfer cyfarfodydd, cynadleddau, lansiadau ac ati, yn ogystal â mannau amrywiol yn y cynteddau sydd hefyd ar gael i gleientiaid eu llogi. Yn y dyfodol bydd mwy o leoliadau ar gael i'w llogi.
Bydd disgwyl i’r Technegydd Celfyddydau a Chreadigol weithio o ddydd Llun i ddydd Sul gan gynnwys digwyddiadau min nos yn aml. Bydd yr wythnos waith yn 38.5 awr. Fodd bynnag, efallai y bydd angen gweithio mwy na hyn ar adegau ac os felly gellir cymryd unrhyw oriau a weithiwyd dros y 38.5 yn ôl fel amser i ffwrdd. Mae trefniadau ar waith ar gyfer egwyliau yn ystod y dydd a thros nos, a thelir taliadau perthnasol lle bo'n briodol. Mae hawl i 25 diwrnod o wyliau'r flwyddyn. Gellir darparu ffôn symudol cwmni gyda mynediad o bell, ar gais.
Gofynion Allweddol:
- Gosod, gweithredu a datgymalu sain, cymhorthion clyweledol, llwyfannu a goleuo a dodrefn yn ôl yr angen ar gyfer digwyddiadau mewn ystafelloedd digwyddiadau a mannau eraill yn y Ganolfan ar gyfer gweithgareddau, digwyddiadau a sioeau.
- Cynorthwyo gydag unrhyw ymholiadau technegol a cheisiadau am offer technegol o fewn mannau llogi’r Ganolfan.
- Defnyddio system AMOS y Ganolfan i archebu offer.
- Defnyddio system cronfa ddata archebu’r Ganolfan i gasglu’r holl wybodaeth am ddigwyddiadau i sicrhau bod gofynion digwyddiadau’n cael eu bodloni.
- Cynnal, gweithredu a datrys problemau taflunwyr fideo, sgriniau LCD a systemau rheoli cysylltiedig ar gyfer holl arddangosiadau gwybodaeth blaen tŷ.
- Trefnu a chynnal offer clyweledol a'i ardaloedd storio.
- Cydlynu â chleientiaid allanol ac adrannau o fewn y Ganolfan ynghylch digwyddiadau.
- Cynhyrchu rhestrau cit ar gyfer digwyddiadau a gweithgareddau gan gynnwys yr hyn sydd ei angen ar gyfer ffrydio, TG, a'r rhyngrwyd.
- Trefnu cyflenwad ar gyfer unrhyw gyfnodau pan fyddwch yn absennol gan drosglwyddo unrhyw wybodaeth trwy e-bost i sicrhau na chaiff unrhyw beth ei golli.
Beth Sydd Ynddo i Chi?
- 25 diwrnod o wyliau blynyddol gan gynnwys gwyliau banc, yn seiliedig ar wythnos waith 35 awr, ar sail pro rata ar gyfer gweithwyr rhan amser.
- Cynllun pensiwn sydd yn uwch na’r statudol
- Gwell absenoldeb mamolaeth, tadolaeth, mabwysiadu, a rhiant a rennir (yn amodol ar hyd gwasanaeth)
- Cynllun arian iechyd: derbyn arian tuag at ofal deintyddol ac optegol, triniaethau cyflenwol megis triniaethau ceiropracteg, osteopathig ac aciwbigo
- Aelodaeth Cymorth Feddygol sy'n cynnwys mynediad o bell at Feddyg Teulu, cwnsela, a sesiynau ffisiotherapi
- Rhaglenni cymorth i weithwyr sy'n cynnwys mynediad at wasanaethau cymorth ar gyfer pryderon cyfreithiol, ariannol a theuluol
- Yswiriant bywyd o 4 x cyflog blynyddol
- Cyfle i wneud cais am docynnau ar gyfer cynyrchiadau
- CLWB – ein grŵp cymdeithasol ar gyfer cyflogeion
- NEWID – ein grŵp rhwydweithio Cydraddoldeb, Amrywiaeth a Chynhwysiant sydd yn cwrdd yn fisol i drafod syniadau newydd a chyfleoedd hyfforddi i wella pob agwedd ar gyflogaeth yn y Ganolfan
- Gwersi Cymraeg am ddim ar lein
- Parcio am £5 am ddiwrnod cyfan ar ddiwrnodau gwaith a phan nad ydych yn gweithio
Yng Nghanolfan Mileniwm Cymru, mae ein hymrwymiad i amrywiaeth a chynhwysiant yn mynd y tu hwnt i eiriau; mae’n agwedd sylfaenol sy’n llywio ein gweithredoedd. Gan gadw at yr egwyddorion a amlinellir yn Adran 158 o Ddeddf Cydraddoldeb 2010, rydym yn mynd ati’n frwd i gymryd camau positif yn ein prosesau recriwtio a dethol. Gan gydnabod y diffyg cynrychiolaeth o grwpiau penodol o fewn ein gweithlu, yn enwedig unigolion ag anableddau a’r rheini o gefndiroedd Du, Asiaidd ac ethnig amrywiol, rydym wedi rhoi mesurau rhagweithiol ar waith i fynd i’r afael â’r gwahaniaeth hwn.
Trwy ein hymagwedd gweithredu positif, bydd ymgeiswyr ar gyfer y rolau a hysbysebir gennym, sydd o'r grwpiau hynny sydd heb gynrychiolaeth ddigonol ac sy'n bodloni'r meini prawf gofynnol a nodir yn y proffil rôl, yn cael eu rhoi ar y rhestr fer ar gyfer cyfweliad. Mae ein hymrwymiad yn ymestyn y tu hwnt i fodloni rhwymedigaethau cyfreithiol. Ein nod yw meithrin gweithle sy'n wir croesawu amrywiaeth gyfoethog ein cymdeithas hollgynhwysol.
