Fy ngwaith celf yw un o'r pethau mwyaf radical i'w gwneud yn ystod y 18 mis diwethaf, a fy ysgrifennu yw fy ngweddi dros gynnydd. Fy nghreadigrwydd yw fy mhrotest heddychlon. Llafur emosiynol fu asgwrn cefn y pandemig, ac yn fy ffordd fach fy hun rwyf i wedi ceisio tystio'r lleisiau a'r straeon hyn.
Dros y 18 mis diwethaf rwyf i wedi canfod gwydnwch enfawr yn fy nghelfyddyd. Ond fyddwn i ddim wedi gallu cyflawni hyn heb gymuned. Mae gennyf ffrindiau hardd sy'n fy helpu gyda fy nghwestiynau diddiwedd, yn fy helpu i ymchwilio, gwirio cyfieithiadau, dal fy llaw, fy atgoffa i anadlu, fy nghodi, bob amser o'm plaid, bob amser yn gwerthfawrogi'r hyn rwy'n ei wneud. Mae'r prosiect hwn yn taflu goleuni ar y bobl hyn a helpodd fi i fynegi fy mherthynas gyda ffydd, fy ailgysylltu â gweddi a helpu i wella fy nghalon.
