Am y Rheolwyr Portffolio
Mae’r Rheolwyr Portffolio yn uwch weithwyr proffesiynol yn y celfyddydau sy’n cyfuno eu harbenigedd celfyddydol sylweddol a’u gwybodaeth fusnes gref i helpu i gyflawni’n ymarferol ystod o fentrau sy’n gysylltiedig â flaenoriaethau Cyngor Celfyddydau Cymru. Mae Rheolwyr Portffolio hefyd yn rheolwyr llinell i’r Swyddogion Datblygu.
Y cyfrifoldebau sy’n gysylltiedig â’r rôl hon yw:
- Yr iaith Gymraeg
- Llesiant Cenedlaethau’r Dyfodol a’r Agenda Amgylcheddol
- Partneriaethau cyhoeddus, gan gynnwys Awdurdodau Lleol
- Cerddoriaeth glasurol
- Dawns
- Gwyliau a’r celfyddydau awyr agored
“Yn amrywiol ac yn gofyn llawer ond byth yn ddiflas, mae rôl y Rheolwr Portffolio yn gyfle gwych i weithio gyda chydweithwyr yn genedlaethol ar draws portffolio o feysydd strategol. Os oes gennych chi syniadau a gyriant eisiau gwneud gwahaniaeth i’r celfyddydau yng Nghymru, mae hwn yn amser cyffroes i ymuno â’n tîm.” Sally, Rheolwr Portffolio
Amdanoch chi
Os ydych chi’n rhywun sydd â phrofiad blaenorol o weithio yn y celfyddydau neu gymunedau ac sy’n gallu ysbrydoli hyder yn y sector, gallai’r rôl hon fod i chi. Bydd angen i chi fod yn ddatryswr problemau ac yn feddyliwr creadigol, a hefyd gwybod sut i fod yn gynhyrchiol, yn drefnus a sut i gyflawni pethau. Gallwn ddysgu’r sgiliau y bydd eu hangen arnoch chi os ydych chi’n chwilfrydig ac yn ddigon gyredig i fod yn rhan o’n tîm.
Sut i ymgeisio
Cyflwynwch fynegiant o ddiddordeb, CV a Ffurflen Monitro Cyfle Cyfartal i AD@celf.cymru
Gellir cyflwyno mynegiadau o ddiddordeb mewn ffurf Word neu PDF, fel nodyn llais neu fideo. Os ydych chi’n cyflwyno nodyn llais neu fideo, cadwch at uchafswm o 10 munud.
Dylai eich mynegiant o ddiddordeb ddweud wrthym pam fod gennych chi ddiddordeb yn y rôl hon, sut y byddech yn mynd at y gwaith, a pa brofiad, gwybodaeth neu ddealltwriaeth sydd gennych chi o’r meini prawf hanfodol a restrir yn adran ‘gwybodaeth, profiad a nodweddion’ y disgrifiad swydd.
Rydym yn gweithio yn Gymraeg a Saesneg. Oherwydd portffolio’r swydd wag benodol hon, mae rhuglder yn y Gymraeg (yn ysgrifenedig ac ar lafar) hyd at Lefel 3 o leiaf yn hanfodol ar gyfer y rôl. Gallwn eich cefnogi chi i ddatblygu a gwella’ch sgiliau iaith ymhellach ac i gynyddu eich hyder wrth siarad ac ysgrifennu yn Gymraeg.
Dyddiad cau: 12:00 canol dydd, dydd Mawrth 6 Gorffennaf 2021
Cyfweliadau (dros fideo): Yr wythnos o 19 Gorffennaf 2021
Mae ein buddion yn cynnwys oriau/gwaith hyblyg, gwyliau hael a chynllun pensiwn. Am ragor o fanylion ewch i https://arts.wales/cy/newyddion-swyddi-chyfleoedd
Gweithredwn Bolisi Cyfle Cyfartal ar recriwtio a chroesawn geisiadau gan bob adran o’r gymuned yn y Gymraeg neu Saesneg. Ond, mae unigolion yn amrywiol yn ethnig ac yn ddiwylliannol, anabl, a thrawsryweddol wedi’u tangynrychioli yng ngweithlu’r Cyngor Celfyddydau ac o’r herwydd byddem yn annog ceisiadau gan ymgeiswyr o’r grwpiau hyn sydd heb gynrychiolaeth ddigonol.
Bydd Cyngor y Celfyddydau yn darparu cefnogaeth i sicrhau eich bod yn teimlo’n gyffyrddus yn camu i mewn i’r sefydliad, y math a all fod yn newydd neu’n anghyfarwydd i chi, fel y gallwch deimlo’ch gorau yn y gwaith. Bydd mentora neu hyfforddiant hefyd yn cael ei ddarparu yn ystod y cyfnod ymsefydlu, os bydd angen.