Mae Celfyddydau Cenedlaethol Ieuenctid Cymru am recriwtio Cynhyrchydd dan Hyfforddiant llawn-amser i ymuno â thîm CCIC am 14 mis i weithio ar draws ein hensembles a’n prosiectau.
Nid yw profiad gwaith blaenorol yn hanfodol ar gyfer y rôl hon, ac mae’r rôl wedi ei chreu’n benodol ar gyfer pobl ifanc o gefndiroedd incwm is.
Cynigir y swydd hon fel rhan o ymrwymiad Celfyddydau Cenedlaethol Ieuenctid Cymru i annog mwy o bobl ifanc o amrywiol gefndiroedd i ystyried gyrfa yn y diwydiannau creadigol. Mae’r rôl Cynhyrchydd dan Hyfforddiant yn gytundeb tymor penodol am 14 mis ac mae wedi ei anelu’n benodol at berson ifanc sydd dros 20 a dan 25 oed ar adeg eu penodi.
Cymhwysedd
Nid yw profiad gwaith yn hanfodol ar gyfer y swydd hon - mae gennym ddiddordeb yn dy botensial a’r profiadau eraill sydd gennyt allai dy wneud yn addas ar gyfer y rôl hon. Fodd bynnag, mae meini prawf cymhwysedd penodol y bydd rhaid iti eu cyflawni:
-
Mae rhaid iti fod dros 20 ac o dan 25 oed ar adeg dy benodi ac;
-
Os wyt ti’n ymgeisio fel rhywun sydd wedi gadael yr ysgol neu’r coleg bydd rhaid iti fod wedi derbyn yr LCA trwy gydol dy gyfnod yn astudio a bod â’r gwaith papur i gadarnhau hyn ac;
-
Os wyt ti’n ymgeisio fel person sydd wedi graddio, mae rhaid iti fod wedi derbyn grant cynhaliaeth llawn oddi wrth Lywodraeth Cymru trwy gydol cyfnod dy radd a bod â’r gwaith papur i gadarnhau hyn ac;
-
Mae rhaid iti fod yn byw yng Nghymru a bod a hawl i weithio yn y DU.