Rydym yn chwilio am ymgynghorydd dwyieithog sydd ag arbenigedd penodol mewn gwerthuso prosiectau a dylunio cynllun gwerthuso, yn ddelfrydol mewn lleoliadau iechyd artistig / meddyliol.
Y Prosiect
Gweledigaeth Forget-me-not Chorus yw dod â llawenydd ac ystyr yn ôl i fywydau'r rhai sy'n byw gyda dementia, ac ochr yn ochr â dementia, drwy rym canu. Mae prosiect Goleufa | Beacon yn canolbwyntio ar ein darpariaeth mewn lleoliadau gofal cymdeithasol lle rydym wedi adeiladu partneriaethau cryf ond yn ceisio tyfu a datblygu hyd yn oed ymhellach. Mae'r prosiect yn canolbwyntio ar ddetholiad o'n darpariaeth ledled Cymru, a hynny mewn lleoliadau cymunedol, ysbytai a chartrefi gofal lle mae Forget me-not Chorus yn cynnal sesiynau canu rhyngweithiol ar gyfer pobl â dementia ac aelodau o'u teulu hyd at ddwywaith y mis. Yn y sesiynau hyn, mae arweinwyr cerddoriaeth FMNC yn defnyddio canu i gysylltu â'r rhai sy’n cymryd rhan yn Gymraeg a Saesneg fel y bo'n briodol.
Amcanion Gwerthuso
Byddwn yn disgwyl i'r adroddiad gwerthuso ddangos effaith ac effeithiolrwydd cyflwyno sesiynau'n ddwyieithog fel y bo'n briodol. Rydym yn agored i ddull dychmygus ac arloesol a fydd yn eich helpu i gael adborth ac ymatebion gan ein cyfranogwyr.
Hoffem i'r gwerthusiad ddangos:
- Adolygiad llenyddiaeth cynhwysfawr o bwysigrwydd cyfranogwyr â dementia yn gallu cyrchu gwasanaethau yn eu mamiaith
- Ymchwiliad a dadansoddiad trylwyr o'r prosiect i ddangos yr effaith y mae cymryd rhan yn y sesiynau canu rhyngweithiol yn Gymraeg a Saesneg yn ei chael ar gyfranogwyr gyda dementia ac aelodau staff gofal cymdeithasol
Hoffem hefyd i'r gwerthusiad ddarparu argymhellion ar
- Arferion gorau ar gyfer darpariaeth ddwyieithog (Cymraeg/Saesneg)
- Cyfleoedd sydd heb eu harchwilio ar gyfer datblygiad pellach
Y Gorchwyl
Cynnal gwerthusiad annibynnol o'r prosiect:
- Creu cynllun gwerthuso / dull gweithredu a fydd yn eich galluogi i gynnal asesiad trylwyr o fodel y prosiect
- Cynhyrchu adroddiad gwerthuso manwl dwyieithog sy'n dwyn ynghyd y canfyddiadau allweddol ynghyd ag asesiad o gyrhaeddiad ac effaith y prosiect ar yr unigolion sy'n ymwneud â'r gwasanaeth. Dylai'r adroddiadau gynnwys argymhellion a all lywio datblygiad parhaus a dyfodol model y prosiect
Llinell amser
Rydym yn gobeithio trafod ag ymgynghorydd yn hydref 2024 a hoffem i'r adroddiad gwerthuso fod wedi’i gwblhau erbyn mis Rhagfyr 2025.
Ffi
£5000 yn ogystal â lwfans teithio ar gyfer ymweld â sesiynau FMNC yn ne Cymru, gorllewin Cymru a gogledd Cymru (i'w gytuno).
Sgiliau hanfodol:
- Profiad amlwg o werthuso
- Pecyn cymorth amrywiol o ddulliau ar gyfer casglu data ac asesu effaith
- Cymraeg ysgrifenedig a llafar rhugl
- Yn gallu darparu 2 ganolwr
- Gwiriad DBS
Sgiliau dymunol:
- Profiad/diddordeb yn y celfyddydau mewn gofal iechyd
- Gwybodaeth am astudiaethau blaenorol y Celfyddydau mewn Iechyd, gan gyfeirio'n benodol at gerddoriaeth a'i effaith.
Y camau nesaf
Cyflwynwch y canlynol i ni:
- cynnig clir a chryno sy'n manylu ar sut rydych chi'n bwriadu cyflawni'r prosiect (2 dudalen A4)
- tystiolaeth o sgiliau a gwybodaeth berthnasol ac enghreifftiau o waith perthnasol
- Dadansoddiad o sut byddech yn defnyddio'r ffi a llinell amser gychwynnol
Dyddiau cau 9.30am 10/01/2024
E-bost: sarah@forgetmenotchorus.com
Bydd ymgeiswyr ar y rhestr fer yn cael eu gwahodd i gyfweliad ar-lein.
