Mae Opera Cenedlaethol Cymru yn rhannu pŵer opera byw gyda chynulleidfaoedd a chymunedau ledled Cymru a Lloegr – mewn theatrau, cymdogaethau ac ar-lein.
Rydym yn chwilio am Dechnegydd Wigiau a Cholur Teithiol i ymuno Opera Cenedlaethol Cymru i gyflwyno Wigiau a Cholur o'r ansawdd orau ym mhob cynhyrchiad, digwyddiad a phrosiect mewn ffordd effeithlon sy'n hyrwyddo amgylchedd gwaith diogel, iach a chynaliadwy.
Byddwch yn canolbwyntio ar gyflawni gwaith crefftus ac artistig sy'n ymwneud â gwallt, wigiau, colur a cholur effeithiau arbennig i safonau y cytunir arnynt ar gyfer cynyrchiadau theatraidd, y cyfryngau a theledu ar ran Opera Cenedlaethol Cymru.
Bydd rhai o'r cyfrifoldebau a fydd gennych yn cynnwys:
- Defnyddio'ch gwybodaeth, eich profiad a'ch sgiliau sy'n ymwneud â wigiau, trin gwallt a cholur i sicrhau bod cynyrchiadau o'r ansawdd orau bosibl yn cael eu cyflwyno, a bod gweledigaeth greadigol ac artistig y tîm cynhyrchu'n cael eu dehongli'n gywir ac yn gyson; yng Nghaerdydd ac wrth deithio.
- Torri gwallt, lliwiau gwallt, gosod a gwisgo gwallt at ddibenion technegol, ymarferion a sioe, gan ddefnyddio amrywiaeth o dechnegau a chan ymdrin â phob cyfnod amser.
- Gwaith wigiau, gwallt wyneb a chydynnau ffug at ddibenion technegol, ymarferion a sioe. Mae hyn yn cynnwys ffitio, torri, lliwiau, permio, gosod a gwisgo wigiau a chydynnau ffug, gan ddefnyddio amrywiaeth o dechnegau sy'n ymwneud â phob cyfnod amser, a defnyddio'r uchod.
- Gwneud gwaith ymchwil ar fathau o golur, eu hasesu a'u defnyddio nhw at ddibenion ymarferion a sioe, gan ddefnyddio amrywiaeth o dechnegau a chyffwrdd ar bob cyfnod amser.
Bydd gan yr ymgeisydd delfrydol y sgiliau, y gwybodaeth a'r profiad canlynol:
- Sgiliau, gwybodaeth a phrofiad ymarferol o wigiau a cholur theatraidd.
- Sgiliau torri gwallt a thrin gwallt gwych.
- Sgiliau steilio wigiau gwych.
- Sgiliau colur a phrostheteg gwych.
- Cymhwyster perthnasol mewn Wigiau a Cholur ar gyfer y Celfyddydau Perfformio, yn ddelfrydol byddai hynny'n cynnwys diploma trin gwallt City and Guilds a chwrs colur, neu brentisiaeth trin gwallt neu brentisiaeth wigiau a cholur theatraidd wedi'u cwblhau'n llwyddiannus.
- Gwybodaeth helaeth am dechnegau, deunyddiau, offer a hanes cryno colur ac arddulliau colur.
- Dealltwriaeth ymarferol sylfaenol o arferion Iechyd a Diogelwch presennol sy'n berthnasol i'r rôl.
- Sgiliau TG sylfaenol, gan gynnwys defnyddio Outlook, Word ac Excel.
- Ymagwedd hyblyg at ofynion y swydd.
- Yn gallu teithio’n annibynnol o fewn y DU a thramor.
- Profiad o weithio gydag elfennau'n ymwneud â theatr cwmni.
