Rheolydd Cynhyrchu – Boom Cymru – Cerddoriaeth
Cyfnod o 21 wythnos – Rhan amser (3 diwrnod yr wythnos)
Lleoliad Swyddfa: Gloworks, Bae Caerdydd
Dyddiad Cau: Dydd Gwener 6ed Mehefin 2025
Mae Boom Cymru yn chwilio am Reolwr Cynhyrchu brwdfrydig, gweithgar a threfnus gyda’r gallu i dalu sylw at fanylder i weithio o ganol Mehefin tan ddechrau Tachwedd ar gyfres cerddoriaeth gyfoes newydd o 6 x 30 munud ar gyfer S4C. Bydd y rôl yn cynnwys cyn-gynhyrchu, ffilmio yn ystod Gorffennaf, Awst a Medi ac ôl-gynhyrchu.
Bydd eich rôl yn cynnwys cyd-weithio'n agos gyda Chynhyrchydd y Gyfres i baratoi popeth sydd angen ar gyfer y cyfnod ffilmio. Byddwch yn trefnu criwiau, yn paratoi asesiadau risg, yn gyfrifol am fonitro’r costau o ddydd i ddydd ac yn rheoli’r Cydlynydd Cynhyrchu. Yn ystod y cyfnod ôl-gynhyrchu, chi fydd yn rhedeg yr amserlen olygu ac yn gyfrifol am gyfleu'r gyfres, dan oruchwyliaeth y Gweithredydd Cynhyrchu. Mae profiad a’r gallu i weithio gyda thîm bach ar amserlen dynn gyda nifer o elfennau yn cyd-redeg yn bwysig yn y rôl hon. Mae’r gallu i gyfarthrebu yn y Gymraeg yn hanfodol. Mae'n fanteisiol os oes gennych gefndir mewn cerddoriaeth neu os oes gennych ddiddordeb mewn cerddoriaeth.
Mae Boom yn gyflogwr cyfle cyfartal ac mae’n croesawu pobl â safbwyntiau amrywiol ac o gefndiroedd heb gynrychiolaeth ddigonol. Rydym wedi ymrwymo i adlewyrchu a chynrychioli amrywiaeth y DU yn ein holl weithgareddau.
Mae eich Data Personol yn bwysig iawn i Boom a bydd y wybodaeth a roddwch yn cael ei chasglu a’i phrosesu yn unol â Deddf Diogelu Data 2018 a Hysbysiad Preifatrwydd Boom (http://boomcymru.co.uk/en/polisi-preifatrwydd/).