Am y rôl
Mae'r Rheolwr Perthynas - Ymgysylltu a Chymunedau yn rôl sy'n cysylltu cymunedau a sefydliadau diwylliannol amrywiol Cymru. Byddwch yn hyrwyddo democratiaeth ddiwylliannol drwy adeiladu partneriaethau dilys, cefnogi lleisiau heb gynrychiolaeth ddigonol, a helpu i gyflawni strategaethau ymgysylltu cymunedol ochr yn ochr â Phennaeth Ymgysylltu a Chymunedau. Bydd eich gwaith yn ymgorffori'r Iaith Gymraeg, Amrywiaeth, Cynhwysiant, a Chyfiawnder Hinsawdd drwyddi draw.
Amdanoch chi
Rydym yn chwilio am eiriolwr ymroddedig dros ymgysylltu cymunedol a chynhwysiant diwylliannol. Rydych chi'n fedrus wrth feithrin perthnasoedd dibynadwy gyda grwpiau amrywiol a grwpiau sydd wedi'u heithrio'n hanesyddol. Yn gydweithredol ac yn weladwy, rydych chi'n angerddol dros rymuso lleisiau heb gynrychiolaeth ddigonol a hyrwyddo blaenoriaethau diwylliannol a chymdeithasol Cymru gyda dull hirdymor a chynhwysol.
Yr Iaith Gymraeg
Mae stori pawb gyda’r iaith yn wahanol ac rydym yn cydnabod bod lefelau gallu a hyder yn amrywio o berson i berson. . Rydym yn chwilio am unigolyn sy’n deall diwylliant y wlad; perthynas amrywiol pobl Cymru gyda’r iaith Gymraeg ac sy’n ymrwymo i ddatblygu defnydd blaengar o’r Gymraeg yn ieithyddol a diwylliannol o fewn Cyngor y Celfyddydau a’r sector ehangach. Bydd angen dysgu sgiliau Cymraeg os nad ydych yn gallu’r Gymraeg eisoes. Byddwn yn sicrhau eich bod yn derbyn y gefnogaeth berthnasol i gynyddu neu ddysgu sgiliau Cymraeg.