Trosolwg:
Byddwch yn gweithio i gydlynu ein cynhyrchiad cynnwys, gan feithrin perthnasoedd â'n rhwydwaith o fideograffwyr, arbenigwyr ôl-gynhyrchu a golygyddion i gyflwyno ymgyrchoedd sy'n gweithio, i gleientiaid yr ydym yn eu caru ac achosion yr ydym yn angerddol amdanynt.
Bydd gennych lygad fanwl iawn am fanylion a byddwch yn gallu cydlynu amserlenni cynhyrchu a chyllidebau ar draws ystod eang o brosiectau, mawr a bach. Byddwch yn gyfrifol am dyfu ein rhwydwaith o weithwyr llawrydd dibynadwy ar draws Cymru a gweithio gyda nhw i gynhyrchu cynnwys creadigol o’r radd flaenaf. Byddwch yn fedrus wrth weithio ar brosiectau lluosog a gwneud perthnasoedd rhagorol gyda'r tîm – a mynd yr ail filltir i wneud yn siŵr bod pob ymgyrch neu ddarn o waith yn llwyddiant.
Bydd creadigrwydd, cyfathrebu a brwdfrydedd dros wneud pethau ychydig yn wahanol yn allweddol i'ch dilyniant.
Bydd gennych brofiad o reoli cynhyrchu, boed hynny mewn asiantaeth neu gynhyrchu mewnol a chewch eich gwahodd am gyfweliad os ydych chi'n gwybod sut i wneud y canlynol a'i wneud yn dda:
- Bod yn brif bwynt cyswllt ar gyfer unrhyw arbenigwyr fideograffeg, ffotograffiaeth, animeiddio yn ogystal â phartneriaid cynhyrchu. Datblygu a thyfu'r perthnasoedd hyn i adeiladu rhwydwaith craidd o adnoddau dibynadwy a phartneriaid cynhyrchu.
- Byddwch bob amser yn chwilio am dalent newydd ar draws Cymru i'w hychwanegu at ein rhwydwaith. Sicrhau bod y gwaith creadigol mae Cowshed yn ei ddatblygu yn adlewyrchu’r cymunedau rydym yn anelu at eu cyrraedd gyda’r gwaith a wnawn.
- Gweithio gyda chrewyr cymunedol a darparwyr cynnwys nad ydynt yn broffesiynol i gynhyrchu gwaith sy'n ddilys ac sy'n adlewyrchu ein cynulleidfaoedd.
- Cydlynu gyda'n partneriaid cynhyrchu ac adnoddau llawrydd a sicrhau cynllunio adnoddau effeithiol ar draws yr asiantaeth.
- Rheoli cyllidebau ac amserlenni cynhyrchu ar draws yr asiantaeth, gan gysylltu â thimau ymgyrchu i sicrhau bod cynnwys yn cael ei ddarparu ar amser ac o fewn y gyllideb.
- Bydd gennych wybodaeth fanwl am lifoedd gwaith cynhyrchu, technoleg ac arfer gorau cyflwyno, y gallu i asesu lle mae angen gwahanol lefelau o offer ac arbenigedd a chynghori ar y dull cynhyrchu priodol ar gyfer cyflawni gwaith creadigol.
- Ymchwilio'n rhagweithiol i'r cyfryngau cymdeithasol, digidol, podlediadau a thueddiadau cynnwys eraill diweddaraf a hyrwyddo cynnwys gwych ar draws yr asiantaeth a chyda'n cleientiaid.
Sgiliau craidd:
- Angerdd am gynnwys creadigol ac atyniadol
- Dealltwriaeth eithriadol o gynhyrchu saethu (ffilmio), llifoedd gwaith cynhyrchu, offer ac adnoddau
- Sgiliau trefnu a chynllunio ardderchog ar gyfer amserlennu a chyllidebau
- Sgiliau rhyngbersonol rhagorol
- Sgiliau rhifiadol, ysgrifenedig, llafar a chyflwyno cryf
Rhaid i chi:
- fod yn hunan-gymhellol, ymroddedig a chwilfrydig
- fod yn angerddol am adeiladu rhwydwaith o arbenigwyr creadigol ar draws Cymru
- gymryd cyfrifoldeb am wneud y gwaith ar gyfer eich cleientiaid
- fod yn onest a disgwylir i chi gael eich trin yn broffesiynol a chyda pharch, gan drin eraill yn yr un modd
- fod yn hyderus ac angerddol wrth gyflwyno syniadau a dulliau i wella ffyrdd o weithio
- rannu athroniaeth Cowshed a bod yn aelod gweithgar o'r tîm
Yn gyfnewid, fe gewch chi weithio gyda phobl hynod. Fe gewch chi fuddion cwmni gwych a byddwch chi'n gwneud y cyfan gan wybod eich bod chi'n gweithio ar gyfer achosion rydyn ni’n angerddol amdanynt.
Dyma rai o fanteision gweithio gyda ni:
– Polisi gweithio hyblyg – wythnos waith 37.5 awr, hyd at dri diwrnod yn gweithio heb fod yn y swyddfa
– 25 diwrnod o wyliau + diwrnod pen-blwydd i ffwrdd + gwyliau banc
– Cyllideb hyfforddi heb ei chapio
Mae Cowshed yn asiantaeth glasbrintiedig. Bydd unrhyw un sydd â'r profiad a'r sgiliau profedig a restrir yn cael cynnig cyfweliad.
Dywedwch wrthym am eich talent a'ch profiad trwy e-bostio charlie@wearecowshhed.co.uk
