Bydd y Cydymaith Creadigol yn cefnogi National Theatre Wales (NTW) i gomisiynu, datblygu a chyflwyno prosiectau yng Nghaerdydd. Byddant yn canolbwyntio ar ddatblygiad creadigol gwneuthurwyr theatr o Gymru ar draws gwaith NTW, ochr yn ochr â datblygu eu hymarfer artistig eu hunain.
Nod y rôl amrywiol a chyffrous hon yw:
- datblygu artistiaid theatr Cymreig, gyda ffocws arbennig ar ddatblygu artistiaid sydd wedi'u hymyleiddio a'u hallgáu yn hanesyddol.
- datblygu proffil, cyfle a grym ar gyfer unigolion, cwmnïau a phartneriaethau cydweithredol yng Nghymru.
- cefnogi cyd-greu ein gwaith gyda chymunedau, fel rhan o raglen ymgysylltu TEAM NTW.
Bydd gan y Cydymaith Creadigol ei ymarfer creadigol ei hun, wedi’i wreiddio mewn creu theatr. Yn ystod y contract tymor penodol hwn, byddant yn cael y cyfle i archwilio eu hymarfer ymhellach gyda chymorth gan staff NTW. Gall hyn fod, er enghraifft, trwy gyfleoedd hyfforddi hunan-gyfeiriedig neu ddatblygu prosiect ar gyfer cynhyrchu.
Yn unol â nodau ac amcanion ein Cynllun Strategol 2023-2027, rhaid i’r Cydymaith Creadigol fod â dealltwriaeth a/neu brofiad byw o hiliaeth, a/neu ragfarn ar sail anabledd, a/neu dlodi.
Cefnogir y rôl hon gan Lywodraeth y DU drwy Gronfa Ffyniant Gyffredin y DU, sy’n cael ei gweinyddu gan Gyngor Caerdydd, ac felly rydym yn dymuno recriwtio ymgeisydd wedi’i leoli yng Nghaerdydd, sydd â dealltwriaeth o gymunedau Caerdydd.
Fel cyflogwr cynhwysol sy'n canolbwyntio ar y dyfodol, byddwn yn ystyried ymgeiswyr sydd angen trefniadau gweithio hyblyg. Cysylltwch i drafod hyn.
-
- Tymor: Swydd llawn amser, cyfnod penodol tan 28 Chwefror 2025
-
- Cyflog: £31,500 y flwyddyn
-
- Dyddiad cau: Mer 3 Ion 2024,17:00
-
- Dyddiadau Cyfweliad: Wythnos yn dechrau 8 Ionawr 2024