CTS - Rheolwr Gyfarwyddwr

CTS Rheolwr Gyfarwyddwr (Gwasanaethau Theatrig Caerdydd)

Yn gyfrifol am:                                 

• Pennaeth Prosiectau,
• Pennaeth Adeiladu,
• Rheolwr Celf Golygfeydd,
• Gweinyddwr a Derbynnydd

Yn atebol i:                                     

• Bwrdd Gwasanaethau Theatrig Caerdydd / Cyfarwyddwr Technegol WNO

Prif ddiben y swydd:

Mae deiliad y swydd yn gyfrifol am ddatblygu, rheoli a darparu nodau strategol Gwasanaethau Theatrig Caerdydd (CTS) a goruchwylio gweithgareddau gweithredol megis darparu busnes masnachol hyfyw sy’n cyflawni lefelau uchel o wasanaeth i WNO a chwsmeriaid allanol.

Cwmpas a dimensiynau:

Cyflawni elw cytunedig drwy reoli gweithrediad masnachol y gweithdy’n strategol a chyflawni’r targed trosiant.

Prif Atebolrwydd:

Strategol

• Datblygu, ar y cyd â’r Bwrdd, nodau a strategaeth CTS.
• Cynghori’r Bwrdd ar arallgyfeirio ac ehangu strategol.
• Magu perthynas hirdymor lwyddiannus gyda chwsmeriaid i sicrhau bod gwaith yn cael ei ddiogelu ar gyfer y dyfodol a bod amserlenni talu cyflym yn cael eu cyflawni
• Chwilio am gleientiaid a chytundebau newydd i CTS, a’u diogelu, i sicrhau bod targedau elw blynyddol yn cael eu cyflawni
• Bod yn ganolog o ran rheoli perthynas waith effeithiol a llwyddiannus rhwng WNO a CTS

Gweithredol

• Gweithio gyda’r Bwrdd, a bod yn gyfrifol amdano ac atebol iddo, mewn perthynas â phob agwedd weithredol ar CTS
• Sicrhau y cyflawnir y lefelau uchaf o safonau ansawdd wrth ddarparu cynnyrch i WNO a chleientiaid allanol             
• Sicrhau'r lefelau uchaf o effeithlonrwydd, gallu a chapasiti gweithredol i ddarparu cynnyrch
• Gweithredu fel rheolwr rheoli ar gyfer pob eiddo ac offer dan reolaeth CTS

Ariannol

• Cyflawni lefelau proffidioldeb CTS, o fewn canllawiau a sefydlwyd gan WNO. Mae hyn yn cynnwys rheoli costau i sicrhau bod prosiectau’n cael eu cynnal ar sail fasnachol hyfyw
• Drafftio a monitro cyllidebau blynyddol ar gyfer y gweithrediad
• Monitro cyfradd llafur cyffredinol yr awr a chyfradd prisio deunydd a chynghori ar newidiadau a all fod yn angenrheidiol i sicrhau adferiad llawn mewn cyflog a chostau gorbenion.
• Goruchwylio a gwerthuso prisiau prynu deunydd, gan sicrhau bod yr adenillion gorau’n cael eu cyflawni
• Goruchwylio, gyda’r rheolwyr priodol, costau a phrisiau’r holl waith a wneir gan CTS a sicrhau bod yr amcangyfrifon hyn yn cyrraedd y cwsmer
• Cytuno ar delerau a phrisiau cytundeb, gan ddefnyddio gweithdrefnau ysgrifenedig cytunedig

Pobl

• Rheoli perfformiad pobl y mae deiliad y swydd yn gyfrifol amdanynt, gan gynnwys ond nid yn gyfyngedig i:
  • Oruchwylio eu gwaith i gyflawni’r effeithiolrwydd gorau a darparu cymorth ac arweiniad lle bo angen.
  • Darparu adborth ar berfformiad, gan gynnwys cynnal arfarniad blynyddol ac adnabod anghenion hyfforddiant a datblygu.
• Arwain a datblygu tîm effeithiol a brwdfrydig, gan sicrhau bod y tîm yn cyflawni'r lefel ddymunol o berfformiad yn rheolaidd 
• Darparu adborth ar berfformiad, gan gynnwys cynnal arfarniad blynyddol ac adnabod anghenion hyfforddiant a datblygu
• Datblygu, monitro a rheoli perfformiad drwy bennu targedau clir, gan ddarparu data i'r Bwrdd yn ôl yr angen
• Datblygu galluoedd a sgiliau newydd o fewn yr uned i gyflawni yn erbyn y strategaeth a chynllun busnes
• Sicrhau bod y strwythur staff uwch a gweithdy ac adnoddau yn bodloni anghenion y cynllun busnes, ac yn cyd-fynd ag ef
• Sicrhau cynllunio olyniaeth ar gyfer pob swydd a nodi ymgeiswyr priodol
• Ffurfio’r strategaeth ar gyfer adleoli prentisiaid ymhellach
• Sicrhau yr ymgymerir â phob agwedd ar reoli tîm yn unol â'n polisïau ac arferion gan gynnwys recriwtio, cynefino a chyfnod prawf, hyfforddiant, absenoldeb salwch, cydraddoldeb, amrywiaeth a chynhwysiant, iechyd a diogelwch a chyfathrebu.

Cyffredinol

• Cydweithredu â ni i gydymffurfio â deddfwriaeth, polisïau a gweithdrefnau iechyd a diogelwch perthnasol wrth gyflawni'r swydd. O fewn y swydd hon, bydd angen derbyn cyfrifoldeb dros faterion Iechyd a Diogelwch lefel 6 (gweler yr atodiad)
• Ymddwyn yn unol â'n gwerthoedd
• Cynnal cyfrinachedd a chadw at ganllawiau diogelu data a chanllawiau cysylltiedig lle bynnag sy'n briodol
• Sicrhau cydymffurfiaeth â'n polisïau a'n gweithdrefnau bob amser.

Nid yw'r dyletswyddau yn y swydd ddisgrifiad hon yn hollgynhwysol a gellir eu newid ar unrhyw adeg i adlewyrchu anghenion newidiol y sefydliad.

Rheolwr Gyfarwyddwr CTS - Manyleb Person

Gwybodaeth a phrofiad

• Profiad amlwg o reoli busnes gweithgynhyrchu masnachol
• Profiad masnachol o’r sector busnes
• Dealltwriaeth ragorol o gynllunio golygfa
• Y gallu i weithio’n strategol a gweithredol pan fo angen
• Profiad trylwyr o reoli cyllidebau a chynllunio ariannol
• Y gallu i ddadansoddi a dehongli gwybodaeth ariannol
• Sgiliau rheoli amser, prosiect a threfnu amlwg, gyda’r gallu i gydbwyso anghenion sy’n mynd yn groes i’w gilydd
• Sgiliau rheoli pobl datblygedig iawn a hanes o ddatblygu tîm o unigolion sy’n perfformio’n dda
• Profiad o ddatblygu systemau a gweithdrefnau gweinyddol effeithiol
• Sgiliau cyfathrebu rhagorol
• Y gallu i ddefnyddio cyfrifiadur, a rhaglenni Word, Excel ac ACAD yn benodol
• Gweithio’n galed ac yn egnïol; hyblyg a gallu addasu
• Y gallu i weithio ar eich pen eich hun ac ar eich menter eich hun yn ogystal ag fel aelod o dîm
• Gwybodaeth weithredol o'r celfyddydau, yn ddelfrydol opera, sioeau cerdd a'r theatr*
• Profiad o weithio gyda phartneriaid rhyngwladol*
• Gwybodaeth dda o systemau gweinyddol TG effeithiol*
• Y gallu i siarad/ysgrifennu yn Gymraeg*

Mae pwyntiau sydd wedi'u marcio â seren (*) yn ddymunol yn hytrach na hanfodol.

Sgiliau, galluoedd a phrofiad

• Gallu arwain a datblygu tîm arbenigol, mawr a sefydledig
• Hyrwyddo cydweithio ar draws y sefydliad er mwyn cyflawni nod cyffredin
• Sgiliau cyflwyno a chyfathrebu, trafod a dylanwadu rhagorol, gyda'r gallu i gynllunio a rheoli adnoddau'n effeithiol, mewn dull agored a chynhwysol sy’n ysbrydoli ymddiriedaeth
• Meddyliwr strategol gyda sgiliau cynllunio busnes cadarn a’r profiad o ymgysylltu’n llwyddiannus â rhanddeiliaid allanol
• Greddf entrepreneuraidd a’r gallu i symud mentrau yn eu blaen er mwyn cynyddu incwm
• Sgiliau rhyngbersonol rhagorol i sefydlu enw da, credadwyaeth a pherthnasoedd ar lefel uwch ac ar draws CTS ac Opera Cenedlaethol Cymru gyfan
• Credadwyaeth bersonol a phroffesiynol
• Dyfeisgar a chanolbwyntio ar ddatrysiadau
• Mabwysiadu agwedd hyblyg at ofynion y swydd.