Labordy datblygu gwneuthurwyr ffilmiau yw Space / Lle sy’n cwmpasu enciliad creadigol ym Mhenrhyn Gŵyr, De Cymru, ar y 4ydd – 9fed Mai 2025 ac yna mentora, dosbarthiadau meistr a sesiynau meithrin gyrfa dros y dyddiau dilynol drwy gydol y flwyddyn. Bydd yr encil creadigol preswyl yn cael ei arwain gan diwtoriaid o LIM | Labordy datblygu rhyngwladol Llai yw Mwy.
Trwy gymryd rhan yn y rhaglen, byddwch yn dod yn rhan o grŵp cefnogol o wneuthurwyr ffilm newydd a ffigurau blaenllaw yn y diwydiant ffilm a theledu. Byddan nhw'n eich helpu chi i fireinio'ch crefft, datblygu prosiect ffilm rydych chi'n gweithio arno, a chyrraedd y lefel nesaf yn eich gyrfa, i gyd mewn amgylchedd sy'n hyrwyddo egwyddorion gofal, lles a pharch. Bydd cefnogaeth ddilynol hefyd i gyfranogwyr. Nid oes ffi am y labordy hwn. Telir £120 y dydd i gyfranogwyr am gymryd rhan a gofalir am yr holl lety a phrydau angenrheidiol. Mae cefnogaeth hefyd ar gyfer costau teithio. Mae cymorth ychwanegol ar gael os byddwch yn ei chael hi’n anodd cymryd rhan lawn yn y labordy oherwydd anfantais economaidd-gymdeithasol, byddardod, anabledd, niwroamrywiaeth, nam ar y golwg neu’r clyw neu gyflwr iechyd corfforol neu feddyliol nad ydych yn ei gysylltu â’r derminoleg hon. Mae Space / Lle yn cynnig lle i chi anadlu, adeiladu, creu, a chwympo mewn cariad â ffilm eto. Edrychwn ymlaen at gael eich cais!
Pwy all wneud cais?
- Mae labordy Space/Lle yn canolbwyntio ar bobl sydd wedi’u lleoli yng Nghymru sy’n uniaethu fel rhan o’r mwyafrif byd-eang ac sy’n dyheu am neu sydd eisoes â rhywfaint o brofiad o ysgrifennu, cyfarwyddo neu gynhyrchu ffilmiau nodwedd sinematig. Wrth fwyafrif byd-eang rydym yn golygu pobl sy’n uniaethu fel Du, Asiaidd, Brown, treftadaeth ddeuol, brodorol i’r de byd-eang, a/neu bobl sydd wedi’u hileiddio fel ‘lleiafrifoedd ethnig’.
- Dylai fod gan gyfranogwyr hanes creadigol ym myd teledu neu ffurf arall ar gelfyddyd a gallant ganolbwyntio ar animeiddio, naratif gweithredu byw neu ffilm ddogfen, ond ni allant fod wedi bod yn brif awdur, cyfarwyddwr neu gynhyrchydd ar ffilm nodwedd yn ystod y deng mlynedd diwethaf sydd wedi cael ei dosbarthu’n fasnachol yn y DU (h.y. heb fod yn hunan-ryddhau).
- Rhaid i chi hefyd fod dros 18 oed a heb fod mewn addysg amser llawn.
