Ni yw Canolfan Mileniwm Cymru. Tanwydd i’r dychymyg
Teitl y Rôl: Derbynnydd Drws y Llwyfan
Cyflog:£10.90 yr awr
Dyddiad Cau: 29/09/2023
Dyddiad Cyfweld: 03/10/2023
Amdanom ni/Ein Hadran:
Rydyn ni’n gartref i’r celfyddydau yng Nghymru, ac yn grochan o greadigrwydd i’r genedl. Rydyn ni’n tanio’r dychymyg drwy guradu cynyrchiadau teithiol arobryn o’r radd flaenaf – o sioeau cerdd a chomedi i ddawns, cabaret a gŵyl ryngwladol. Rydyn ni’n meithrin doniau newydd gyda’n gweithiau ffres, pryfoclyd a phoblogaidd, wedi eu gwreiddio’n ddwfn yn niwylliant ein gwlad. Ac rydyn ni’n ennyn angerdd pobl ifanc dros y celfyddydau, gan roi iddynt gyfleoedd dysgu sy’n newid eu bywydau ac yn rhoi cyfle iddynt ddisgleirio.
Ynglŷn â’r Rôl a’r Cyfrifoldebau:
Mae swydd Derbynnydd Drws y Llwyfan yn dod o dan swyddogaeth Gweithrediadau Busnes y Ganolfan ac mae’n chwarae rhan allweddol yn y gwaith o sicrhau ein bod yn cynnig ‘Croeso Cynnes Cymreig’ i ymwelwyr, staff a pherfformwyr ar wahanol lefelau, yn ogystal â bod yn gyfrifol am sicrhau bod yr amgylchedd yn ddiogel.
Gofynion Allweddol:
- Ymchwilio syniadau posibl ar gyfer gwaith prosiect ac effeithlonrwydd adrannol.
- Cynorthwyo’r tîm a’r maes busnes ehangach i baratoi a chyflawni gwaith prosiect yn ôl yr angen.
- Cyfarfod a chyfarch yr holl ymwelwyr, staff a pherfformwyr mewn modd cymwynasgar, cwrtais a chyfeillgar.
- Cydlynu gwybodaeth ar gyfer cwmnïau sy'n ymweld.
- Derbyn ymholiadau ffôn, sicrhau bod galwadau’n cael eu trosglwyddo’n effeithlon, cymryd negeseuon, a delio ag ymholiadau’n broffesiynol yn ôl yr angen.
- Dosbarthu negeseuon, post mewnol a phost sy'n cyrraedd ar gyfer y Ganolfan, sefydliadau preswyl, a manwerthwyr.
- Darparu safon uchel o wasanaeth cwsmeriaid i'r holl ymwelwyr, staff a pherfformwyr.
Beth Sydd Ynddo i Chi?
- Cyflogwr cyflog byw go iawn
- Mynediad i bensiwn Now
- Hyblygrwydd o ran oriau gwaith – dewiswch y shifftiau/oriau sy'n gweithio o amgylch eich bywyd personol a'ch ymrwymiadau
- Mynediad i Linell Gymorth y Theatr, sy’n cynnwys cymorth ar gyfer iechyd meddwl a lles, anafiadau, dyled, materion ariannol ac ati
- Gwersi Cymraeg am ddim ar lein
- Cynghreiriaid a chefnogaeth iechyd meddwl
- Gostyngiad o 20% yng nghaffis a bwytai’r Ganolfan
- Parcio am £5 am ddiwrnod cyfan ar ddiwrnodau gwaith a phan nad ydych yn gweithio.