Mae WNO yn rhannu grym opera a cherddoriaeth glasurol fyw gyda chynulleidfaoedd a chymunedau ledled Cymru a Lloegr. Rydym yn gweithio mewn lle creadigol a llawn ysbrydoliaeth ac yn cydnabod bod ein cydweithwyr yn chwarae rhan hollbwysig wrth symud ymlaen â'n blaenoriaethau strategol i gyflawni ein huchelgeisiau.
Rydym yn awyddus i benodi Cynhyrchydd Cynnwys Digidol sy'n gyfrifol am gynllunio, datblygu a chreu cynnwys digidol, gweithio â chydweithwyr ar draws y Cwmni i gynrychioli ehangder gwaith WNO, i'w ddefnyddio ar ein sianelu digidol sy'n gwasanaethu cynulleidfaoedd ac ar draws ymgyrchoedd marchnata a'r cyfryngau er mwyn ymgysylltu â chynulleidfaoedd newydd a phresennol a gwella ein hymwybyddiaeth brand.
Beth fydd yn ddisgwyliedig ohonoch?
- Cynllunio a datblygu amrywiaeth o asedau digidol mewnol o ansawdd, yn cynnwys gifs, delweddau, ffotograffiaeth a fideo i gael eu defnyddio ar draws WNO a sianeli'r lleoliad a chefnogi cyfathrebiadau ac ymgyrchoedd marchnata.
- Gweithio fel aelod rhagweithiol o'r tîm marchnata i sicrhau y bodlonir yr holl dargedau a Dangosyddion Perfformiad Allweddol, a bod yr ymgyrchoedd yn llwyddiannus.
- Golygu delweddau a ffilm y cynnwys yn ôl yr angen.
- Cynorthwyo gyda rheoli'r gwaith o gynhyrchu rhagluniau'r ffilm a'r brif ffilm, a chyfathrebu briffiau cynnwys ac adborth i asiantaethau, cynhyrchwyr sain ac aelodau tîm, gan sicrhau bod terfynau amser yn cael eu bodloni.
- Goruchwylio ffotograffiaeth ar gyfer holl gynnwys a gohebiaeth WNO, rheoli sesiynau tynnu lluniau gyda chyflenwyr 3ydd parti, ysgrifennu a chyfathrebu briffiau gyda rhanddeiliaid mewnol ac allanol WNO, yn cynnwys y cyfarwyddwyr, a chysylltu â ffotograffwyr. Dewis delweddau, ar y cyd â'r tîm marchnata a chyfathrebu ehangach, i'w ddefnyddio at dibenion hyrwyddo.
- Cefnogi'r Swyddog Cyfathrebu Marchnata Digidol i annog ymwelwyr i'r wefan, ymgysylltiad â’r cyfryngau cymdeithasol a gwerthiant tocynnau ar draws ein llwyfannau digidol sy’n cynrychioli amrediad gweithgarwch ac adrannau WNO.
- Gweithio gyda’r Pennaeth Marchnata a Digidol a’r Swyddog Cyfathrebu Marchnata Digidol i sicrhau bod gwefan WNO yn gwneud y gorau o’i photensial Optimeiddio Peiriannau Chwilio (SEO).
Beth fydd ei angen arnoch chi?
Sgiliau, gwybodaeth a phrofiad:
- Profiad amlwg o gynllunio a chreu cynnwys digidol rhagorol
- Profiad o weithio’n olygyddol a chyda thimau technegol a dylunio digidol i gyfathrebu cynnwys
- Profiad o ddenu cynulleidfaoedd at gynnwys newydd drwy lwyfannau cymdeithasol
- Sgiliau cyfathrebu a rheoli pobl
- Hyderus wrth reoli cyflenwyr a chysylltiadau allanol
- Gallu arwain a dylanwadu ar eraill
- Hyderus wrth wneud penderfyniadau golygyddol doeth
- Sgiliau rheoli prosiect, cyllideb ac amser rhagorol
- Gwybodaeth ragorol o dechnegau a methodoleg rheoli prosiect
- Profiad golygyddol o greu cynnwys ar gyfer cynulleidfaoedd ifanc a theuluoedd
- Dealltwriaeth o ganllawiau golygyddol ar gyfer gwahanol oedrannau a grwpiau o ran cynulleidfaoedd
- Gwybodaeth o feddalwedd perthnasol (e.e. Adobe Premiere Pro, FCP etc)
- Gallu gweithio'n dda mewn tîm, gydag ymdeimlad cryf o'u cyfrifoldeb unigol ac yn gallu gweithio ar ei fenter ei hun.
- Gallu siarad/ysgrifennu Cymraeg*
- Diddordeb yn y celfyddydau
- Dealltwriaeth o ddeddfwriaeth GDPR*