Mae Caerdydd Creadigol yn cynnal cyfarfod misol ar gyfer artistiaid, busnesau a gweithwyr llawrydd creadigol o'r enw 'Paned i Ysbrydoli'. Bydd y digwyddiadau anffurfiol hyn yn dod â'r gymuned greadigol ynghyd ar gyfer y tair elfen hollbwysig - cysylltiad, creadigrwydd a chaffein.
Ymunwch â ni am gyfle i gwrdd, cysylltu â dysgu oddi wrth bobl greadigol eraill, p'un a ydych chi newydd ddechrau neu wedi bod yn gweithio yn y diwydiant ers degawdau. Mae pob Paned i Ysbrydoli yn dechrau gyda sgwrs, tebyg i sgwrs 'TED-talk', ar thema sy’n berthnasol ar draws yr holl sectorau creadigol, ac yna awr anffurfiol i eistedd i lawr, sgwrsio a bwyta cacen! Mae'r rhain yn gyfleoedd anffurfiol i gwrdd â phobl greadigol eraill a rhannu cyfleoedd, heb rwydweithio ffurfiol.
Paned i Ysbrydoli mis Tachwedd: Gwneud y gweithle yn hygyrch i bobl greadigol niwroamrywiol
Bydd Paned i Ysbrydoli'r mis hwn yn dechrau gyda thrafodaeth banel wedi ei gadeirio gan y cynhyrchydd Tom Bevan, yn trafod sut i wneud gweithleoedd yn hygyrch i bobl greadigol niwroamrywiol.
Mae Tom yn Gynhyrchydd theatr a digwyddiadau byw llawrydd o Gaerdydd. Mae ganddo ADHD a Dyslecsia ac mae eisiau creu mannau lle gall pobl greadigol niwroamrywiol ddod at ei gilydd a meithrin undod, cefnogaeth a chydweithio. Ers mis Hydref 2023, mae wedi bod yn cynnal DIVERGE mewn partneriaeth â Chaerdydd Creadigol, man agored i bobl greadigol, cynhyrchwyr ac artistiaid niwroamrywiol sy’n gweithio yn y sector diwylliannol yn Ne Cymru ddod at ei gilydd i weithio a chysylltu.
Bydd tri aelod panel yn ymuno â Tom ar gyfer trafodaeth ryngweithiol ar y ffyrdd y gallwn wneud gofodau mor hygyrch â phosibl i bobl greadigol niwroddargyfeiriol. Bydd y panel yn cynnwys:
- Mae Alisha Ahmed (hi/nhw) yn actifydd, trefnydd cymunedol ac addysgwr sy'n rhan o bwyllgor Glitter Cymru, y sefydliad llawr gwlad ar gyfer a gan bobl cwiar o liw yng Nghymru ac mae hi hefyd yn Gadeirydd Glitter Siblings, y gangen o Glitter Cymru sy’n ymroddedig i rhywedd ymylol.
- Rosie Higgins (hi) yw cyfarwyddwr Fields Park Productions (cangen ffilm a theledu Grŵp Cyfryngau Fields Park), ac Unquiet Media. Mae Unquiet Media yn gwmni ymgynghori a chynhyrchu cynnwys unigryw sy’n arbenigo ym mhob mater o’r meddwl dynol, gyda ffocws penodol ar niwroamrywiaeth ac iechyd meddwl.
- Artist niwrocwiar o Dde Dyfnaint yw Rey Hope (nhw / fo) sydd bellach wedi'i leoli yng Nghaerdydd. Gyda chefndir mewn cadwraeth ac fel cyd-sylfaenydd Dyddiau Du a Chlwb Collage Caerdydd, mae eu gwaith yn eiriol dros hygyrchedd, croestoriad a chysylltiadau rhwng y dynol a’r anddynol.
