Nesaf, buom yn siarad â’r cynhyrchydd Don Leisure o Gaerdydd. Mae ei albwm Shaboo Strikes Back wedi cyrraedd rhestr fer y wobr eleni.
Llongyfarchiadau ar gael eich enwebu ar gyfer y Wobr Gerddoriaeth Gymreig! Allwch chi ddweud wrthym am eich albwm ar y rhestr fer?
Diolch yn fawr iawn! Fy albwm 'Shaboo Strikes Back' yw olynydd yr albwm cyntaf a ryddhawyd gen i’n 2017, o’r enw 'Shaboo'. Mae'r record yn fath o dapestri o wahanol synau a dylanwadau, sydd yn eithaf amrywiol. Yn ei hanfod mae'n gynrychiolaeth neu'n deyrnged i fy nghasgliad recordiau a chwaeth gerddorol sy'n ehangu o hyd. Neu efallai mai ADHD sonig wnaeth i mi roi 20+ o draciau byr ar albwm.
Sut deimlad yw cael eich enwebu?
Mae'n syndod mawr i fod yn onest. Doeddwn i ddim yn ei ddisgwyl o gwbl. Mae'r adnabyddiaeth yn cŵl ond nid dyna'r rheswm fy mod yn eistedd i lawr yn y stiwdio i wneud unrhyw beth. Rwy'n teimlo gyda'r record hon ei bod yn cael ei mwynhau mewn mannau gwahanol i'r pethau blaenorol rydw i wedi'u rhyddhau. Mae cefnogaeth 6Music (yn enwedig Laurene Laverne) a hefyd cariad WMP yn arwydd o hyn.
Pa effaith mae bod yng Nghaerdydd wedi'i chael ar eich gwaith?
Mae cyflymder bywyd yma ychydig yn arafach nag ym Manceinion neu Lundain, dyweder, felly mae'n caniatáu mwy o amser i chi fod yn greadigol. Mae David Newington, Amanda Whiting a Gruff Rhys i gyd yn byw yng Nghaerdydd neu'n agos at Gaerdydd, a helpodd i roi'r albwm at ei gilydd. Mae llawer o dalent yn y rhannau hyn a dwi’n teimlo ei bod hi’n haws estyn allan a chysylltu â cherddorion lleol yma. Haws nag y byddai yn Llundain neu rywbeth.
Beth ydych chi’n edrych ymlaen ato fwyaf yn y 12 mis nesaf?
Parhau â phrosiect rwy'n ei ddatblygu gyda David Newington (Boy Azooga), gweithio ar fy neunydd sy’n fwy addas at loriau dawnsio/yn fwy electronig o dan yr enw arall THE AKH, eto gyda rhywfaint o allbwn DnB rwy'n ei gynllunio o dan yr enw Khufu. Dwi'n paratoi tâp curiadau amlsynhwyraidd fydd yn cael ei gyhoeddi yn fuan iawn a hefyd yn gweithio ar albwm arall Don Leisure ar gyfer First Word Records. Gobeithio y dylai fod mwy o gydweithio gyda Gruff ac Amanda hefyd. Rwyf hefyd yn gweithio gyda rhai rapwyr da iawn o Efrog Newydd ond alla i ddim siarad am hynny gormod am y tro.
Dywedwch wrthym am unrhyw gigs sydd i ddod...
Rwy'n gwneud teyrnged i'r cawr jazz Pharoah Sanders yn y lleoliad newydd Paradise Garden ar 23 Hydref a hefyd yn sbinio yno ar 4 Tachwedd.
Sut gall pobl ddarganfod mwy amdanoch chi a'ch cerddoriaeth?
Gallwch edrych ar fy Instagram @don_leisure_beats a'r ffordd orau i gefnogi a phrynu unrhyw beth yw Bandcamp.
Mwy am y Wobr Gerddoriaeth Gymreig
Bydd y Wobr Gerddoriaeth Gymreig yn cael ei chynnal ar 26 Hydref yng Nghanolfan Mileniwm Cymru fel rhan o Llais 2022. Dysgwch fwy am yr ŵyl ac enwebeion eraill.
