Yn nhrydedd bennod y drydedd gyfres o Get a ‘Proper’ Job, mae Kayleigh Mcleod yn siarad â Gillian Mitchell; Prif Weithredwr Celfyddydau Cenedlaethol Ieuenctid Cymru a Dr Sita Thomas; Gwneuthurwr Theatr, Cyflwynydd Milkshake Channel 5, Cyfarwyddwr Artistig Theo, Cydymaith Creadigol yng Nghanolfan Mileniwm Cymru, a hefyd Ymddiriedolwr yn Theatr y Young Vic ac Emergency Exits Arts. Maen nhw’n trafod arweinyddiaeth a'r diwydiannau creadigol a diwylliannol, amrywiaeth o fewn rolau arwain, a pha rinweddau sy'n gwneud arweinydd gwych.
Yn ystod y bennod, mae Sita yn rhannu ei hangerdd am arweinyddiaeth, ac yn esbonio'r hyn y mae'n chwilio amdano mewn arweinydd: Rwy'n credu y gallai pawb gael eu hysbrydoli, a hyd yn oed fod yn arweinydd yn eu bywydau o ddydd i ddydd... I mi, o ran yr hyn sy'n gwneud arweinydd da iawn, rwy'n ei hoffi pan allaf gredu go iawn mewn rhywun. Fel… Waw! Rwy'n credu'n llwyr ynoch chi oherwydd bod popeth rydych chi'n ei ddweud yn gyhoeddus ac yn fewnol yn cael ei ategu gan gamau gwirioneddol.
Maen nhw hefyd yn trafod amrywiaeth ym maes arweinyddiaeth a'r effaith mae hynny’n ei chreu. Esbonia Gillian: "Rwy'n credu bod problem hyder a phroblem o ran gwelededd. Ond wrth siarad am fenywod, yr un cwestiwn yw hi, ynte, yn ymwneud ag amrywiaeth? Mae angen i ni weld mwy o hynny ar y ‘Brig’ (mewn dyfynodau), er mwyn newid hynny ar y 'Gwaelod', a dydw i ddim yn meddwl bod angen i ni byth roi’r gorau i hyn.”
Cafodd y bennod hon ei recordio o bell ym mis Awst 2021.
Gwrandewch ar y bennod lawn yma:
iTunes:
Spotify:
Dolenni a rhagor o wybodaeth
Argymhellion y gwesteion
