Mae From The Fields yn cynnig cyfle i ddylunwyr/artistiaid greu eu gosodiad eu hunain ar gyfer Nadolig ym Mharc Bute. Gyda chefnogaeth ein tîm rheoli a chynhyrchu creadigol, bydd myfyrwyr yn cael cynnig y cyfle i weld sut brofiad yw creu gosodiad ar gyfer llwybr golau trochi y byddent wedyn yn gallu ei arddangos mewn llwybrau golau eraill neu ddigwyddiadau tebyg.
Mae From The Fields yn cynnig cyfle i ddylunwyr/artistiaid greu eu gosodiad eu hunain ar gyfer y Nadolig ym Mharc Bute. Gyda chefnogaeth ein tîm rheoli a chynhyrchu creadigol, bydd artistiaid yn cael cynnig y cyfle i brofi sut brofiad yw creu gosodiad ar gyfer llwybr golau trochi y byddent wedyn yn gallu ei arddangos mewn llwybrau golau eraill neu ddigwyddiadau tebyg.
Bydd y prosiect yn cynnig y cyfleoedd canlynol i gefnogi datblygiad unrhyw gyfansoddiadau:
- Cyfarfod gyda Thîm Greadigol Nadolig ym Mharc Bute
- Taith o’r safle
- Briff creadigol
- Cefnogaeth ac arweiniad
- Gwahoddiad i gael rhagolwg o'r gosodiadau cyn i'r safle agor
PWY ALL YMGEISIO?
I fod yn gymwys i wneud cais, rhaid i artistiaid fod wedi’u lleoli yng Nghymru ac yn cael eu gweld fel talent sy’n dod i’r amlwg (beth bynnag eu hoedran) gyda’r gallu i gyflawni eu syniadau i safon uchel. Mae From the Fields yn arbennig o awyddus i ymgysylltu ag artistiaid heb gynrychiolaeth ddigonol o fewn y diwydiant digwyddiadau. Gallwch wneud cais i'r cyfle hwn fel dylunydd / artist unigol neu fel grŵp. Rydym yn awyddus bod Nadolig ym Mharc Bute yn rhoi llwyfan i’r iaith Gymraeg a diwylliant Cymreig ac rydym yn annog yn gryf unigolion sydd â threftadaeth Gymreig i ymgeisio ond nid yw hyn yn hanfodol.
Eleni rydym yn chwilio am artist neu ddylunydd i greu darn y gellir ei symud ymlaen i’w ddangos mewn llwybrau golau neu ddigwyddiadau eraill ar ôl Nadolig ym Mharc Bute. Gall y tîm creadigol hwyluso cysylltiadau â’r artist i annog hyn i ddigwydd.
BETH SYDD EI ANGEN?
Cofiwch i gynnwys y canlynol yn eich cynnig:
- Amlinelliad o'ch dyluniad gyda delweddau neu luniadau. Gall y delweddau fod yn fwrdd naws o enghreifftiau o ddyluniadau / gosodiadau / eitemau tebyg
- • Dadansoddiad uchel o'r gyllideb
CYNIGION
Nodwch yr ystyriaethau ymarferol canlynol wrth roi cynnig at ei gilydd.
Dylai'r gosodiad fod yn wydn hyd at 6 wythnos o dywydd gaeafol Prydeinig, felly dylai fod yn ymarferol o dan y rhewbwynt (hyd at -10), gwrthsefyll gwyntoedd 40mya a glaw trwm.
A yw’n addas ar gyfer llwybr Nadoligaidd – er nad yw ein llwybr yn cynnwys elfennau traddodiadol y Nadolig (Santa, Ceirw ac ati) mae’n canolbwyntio ar themâu’r Nadolig, boed yn dân clyd, dathliad, treulio amser gyda’n gilydd, neu ymdeimlad o rhyfeddod, ac mae ganddo awgrymiadau cynnil o seiniau traddodiadol y Nadolig drwyddo draw.
Bydd y parc ar agor yn ystod y dydd a bydd diogelwch y gwaith yn cael ei fonitro gan staff diogelwch ond dylid ystyried sut y gellir gosod unrhyw osodiadau yn y ddaear neu eu gwneud yn arbennig o anodd eu symud (er enghraifft, mae rhaffau hir o LEDs yn anodd eu tynnu'n gyflym ac felly’n addas)
Ar y safle bydd technegwyr medrus sy’n gallu datrys unrhyw namau syml sy’n codi yn y gwaith yn ystod y sioe a byddant yn gwirio bod y gwaith celf yn gweithio fel y bwriadwyd bob dydd. Bydd angen cyfathrebu’n drylwyr am unrhyw ddiffygion mawr gyda’r artist neu gwneuthurwr nes ei ddatrys. Yr artist neu’r gwneuthurwr sy’n parhau i fod yn gyfrifol am sicrhau bod y gwaith celf yn gweithio fel y bwriadwyd ar gyfer y 6 wythnos y mae’n fyw adeg y Nadolig ym Mharc Bute.
Y gyllideb ar gyfer y prosiect hwn yw £10,000.00
Anfonwch ymholiadau a chyflwyniadau at : Lizzie@fromthefields.co.uk
Os hoffech chi drafod syniad neu gynnig neu'r lleoliadau o fewn Parc Bute ar gyfer gosodiad, mae croeso i chi gysylltu â’r cyfeiriad e-bost uchod. Rydw i’n fwy na pharod i gynorthwyo gyda syniadau a chysyniadau.
Rhaid derbyn pob cyflwyniad erbyn 5pm ar 23 Awst 2024
