BRIFF CREADIGOL
Cefndir
Roedd y diwydiant creadigol yn un o’r sectorau a gafodd eu taro caletaf yn ystod y pandemig ac yn un sy’n dibynnu ar leoliadau fod ar agor a chynulleidfaoedd i oroesi. Ar gyfer ein pobl greadigol ifanc (18-25), mae wedi bod yn anoddach fyth. Mae cael eu troed yn y drws a chael eu henw yn hysbys yn y diwydiant yn gam hanfodol yn eu gyrfa, ond i lawer, gohiriwyd hyn.
Credwn mai diwylliant yw’r hyn sy’n gwneud Caerdydd, felly mae’n bwysig ein bod yn cefnogi’r gymuned greadigol ifanc a’i egin dalent i sicrhau y gall barhau i fod yn fan diwylliannol am flynyddoedd i ddod.
Y Dydd Gŵyl Dewi hwn, mae Caerdydd AM BYTH eisiau cael talent ifanc i gymryd rhan mewn dathliad celf ddigidol fawr. Byddwn yn gweithio’n agos gyda Caerdydd Creadigol i daflu’r goleuni ar dalent greadigol ifanc anhygoel Caerdydd a dathlu eu doniau ar ddiwrnod ein Nawddsant.
Briff Creadigol
Rydyn ni’n galw ar bobl greadigol yng Nghaerdydd rhwng 18 a 25 oed i gyflwyno cysyniad celf sy’n adrodd stori am ganol dinas Caerdydd. Gweler yr ardal benodol yr ydym yn ei chynnwys yn ein map isod:
Fel rhan o’r brîff, rydyn ni hefyd eisiau i chi ddweud ychydig wrthym pam eich bod wedi dewis canolbwyntio ar y rhan hon o ganol y ddinas – efallai beth mae’n ei olygu i chi neu pam ei fod o ddiddordeb – a’r stori y tu ôl i’ch cysyniad.
Rydyn ni’n croesawu cysyniadau o bob disgyblaeth greadigol – paentiad, cân, cerflun, cerameg, ffilm, cerdd, braslun, dawns. Unrhyw beth a all ddweud stori am ganol ein dinas. Gallwch chi fod mor greadigol a dychmygus ag y dymunwch.
Rydym am ddathlu’r amrywiaeth yng Nghymru ac rydym yn gobeithio derbyn cyflwyniadau gan bob cefndir a diwylliant yn y gymuned gelf. Rydym hefyd yn croesawu cysyniadau yn Saesneg ac yn Gymraeg.
Os ydych chi’n cynnig cysyniad sy’n cynnwys ffilm neu fideo, gofynnwn i chi ei gadw o dan 2 funud o hyd ac mewn fformat y gallwn ei arddangos ar draws pob sianel cyfryngau cymdeithasol ar ddiwrnod yr arddangosfa ddigidol.
Bydd panel arbenigol yn beirniadu’r cysyniadau celf ac yn dewis 10 ohonynt i’w comisiynu ar 2 Chwefror. Bydd gan y deg artist 3 wythnos i ddatblygu eu darn o gelf, yn barod i’w arddangos mewn dathliad arddangosfa rithwir ar Fawrth 1af.
Ar gyfer ein 10 artist a gomisiynwyd:
Bydd gan ein 10 artist a gomisiynwyd tair wythnos i ddatblygu eu cysyniad creadigol yn dilyn y cyhoeddiad ar 2 Chwefror.
Yn ogystal â’r darn o gelf, hoffem hefyd i’n hartistiaid gofnodi eu taith greadigol a’i chysylltiad â chanol dinas Caerdydd. Gallai hyn fod yn ffilm treigl amser o’r broses, darn i gamera yn esbonio’r darn, taflen sain, neu ddisgrifiad ysgrifenedig ohono – sut bynnag yr hoffech chi. Bydd yr arddangosfa’n dathlu ein prifddinas, felly rydyn ni am glywed popeth!
Bydd y darnau olaf, ynghyd â stori’r artistiaid Caerdydd y tu ôl i’r darnau, yn cael eu datgelu mewn arddangosfa rithwir ar draws sianeli cyfryngau cymdeithasol Caerdydd AM BYTH fel rhan o ddathliad celf o dalent leol ar Ddydd Gŵyl Dewi.
Efallai y bydd cyfle hefyd i arddangos y darnau yn barhaol yng nghanol y ddinas. Mwy i ddod ar hyn yn fuan.
Cyllideb y comisiwn
Bydd y deg artist a ddewiswyd ac a gomisiynwyd ar gyfer yr arddangosfa rithwir yn derbyn £500 yr un sy’n cynnwys ffi a threuliau.
Panel
Bydd y panel beirniaid yn cynnwys:
- Keith Murrell, Cyfarwyddwr Creadigol Cymdeithas Celfyddydau a Diwylliant Butetown ac un o artistiaid comisiwn prosiect stori Caerdydd Creadigol 2020 ‘Ein Caerdydd Creadigol’.
- Carolyn Brownell, Pennaeth Marchnata a Chyfathrebu Caerdydd AM BYTH.
- Becky Davies, dylunydd theatr, artist a darlithydd y Celfyddydau Creadigol a Therapiwtig ym Mhrifysgol De Cymru (hefyd yn ymgynghorydd mynediad).
Amserlen
Ceisiadau am gysyniadau celf yn agor: Dydd Gwener Ionawr 22ain 2021.
Dyddiad cau ar gyfer cysyniadau celf: hanner dydd dydd Gwener Ionawr 29ain 2021.
Cyhoeddi enillwyr: Dydd Mawrth Chwefror 2ail 2021.
*Bydd gan artistiaid a gomisiynwyd 3 wythnos i greu eu darn*
Dyddiad cau terfynol ar gyfer gwaith celf i’r artistiaid a gomisiynwyd: Dydd Mawrth Chwefror 23ain 2021.
Arddangosfa Ddigidol: Mawrth 1af 2021 (Dydd Gŵyl Dewi).
Sut i wneud cais
Cwblhewch y cwestiynau canlynol:
- Mewn llai na 700 o eiriau neu recordiad fideo / sain 2 funud dywedwch wrthym:
- am y cysyniad celf yr hoffech ei greu – pa stori y bydd yn ei hadrodd am ganol y ddinas? Mae croeso i chi wella gyda lluniau, darluniau, graffeg.
- Eich perthynas â Chanol Dinas Caerdydd – beth mae’n ei olygu i chi?
- Sut fyddech chi’n dogfennu ‘gwneud’ eich darn a’i gysylltiad â chanol dinas Caerdydd?
- Dangoswch ychydig o enghreifftiau i ni o waith rydych chi wedi’i gynhyrchu o’r blaen.
E-bostiwch eich cais at: forcardiff@wearecowshed.co.uk.
Os oes gennych unrhyw gwestiynau am eich syniad neu os hoffech gael unrhyw gymorth gyda’ch cais, gallwch ein ffonio ar 02920 789 321 neu anfon e-bost atom gan ddefnyddio’r cyfeiriad uchod.
Rydym wedi ymrwymo i gefnogi pobl greadigol y mae eu cefndir a / neu eu hunaniaeth heb gynrychiolaeth ddigonol. Mae hyn yn cynnwys ond heb fod yn gyfyngedig i bobl greadigol ag anableddau neu anawsterau iechyd tymor hir, pobl greadigol o gefndiroedd economaidd-gymdeithasol is, pobl greadigol â hunaniaethau LGBTQIA+ a phobl greadigol o gefndiroedd Du, Asiaidd ac ethnig amrywiol. Rydym hefyd yn croesawu ceisiadau gan bobl greadigol sy’n gweithio trwy gyfrwng y Gymraeg yn arbennig.
